《見工奇行種系列之「你都係講返中文啦!」》
上回講到薯蓉經常要約candidate interview。一般我地都會紀錄低candidate全名方便登記，正如警察叔叔向你抄牌都問你拎身份證抄全名啦! 我地都係想確認下身分啫。
話說上次薯蓉我同個candidate登記...
「小姐，請問你個全名係?」
「vivian呀～」聲音高8度既小姐答我
FINE! 我知我說話技巧有問題，所以我重新問一次。
「請問你中文全名係咩?」
「vivian chow呀～我cv有寫㗎!」
嗚哇!! 請問你係外國番離~聽唔明中文? 定唔知咩叫中文名呀? 女神周慧敏! 唔好以為改個名同女神一樣就真係女神呀? 轉身射個三分波咁避開我問題呀?
搞完一輪，女神終於比個身份證我登記，周就真係姓周，但我搵番佢份cv 真係半隻vivian都冇提過!
呢個時候又有另一位人類嚟登記interview...
今次我學識左語言藝術喇！
「先生，請問你中文全名係?」
「c-h-a-n-t-a-i-m-a-n」嗯…佢充滿自信咁逐個英文字母串比我聽佢個名......xa@xzy#!$
「先生，唔好意思，可唔可以講多次你個名係?」
「c-h-a-n…」再一次自信既回答，我無言.......
我欣賞你堅持自我呀!！
係依個moment, 某議員話「黃皮膚就係中國人」既大道理係我腦海出現。我眼前依位黃皮膚人完全唔明我既中文問題，除非佢暗地係外國勢力一份子，或者我薯蓉d廣東話唔夠標準啦。我真係諗唔到點解佢會串個名我聽...
以上都係薯蓉既親身經歷，其實大部分candidate都係正正常常，可以用正常說話溝通到既! 依d特殊例子⋯⋯都係笑下就算喇。
圖片來源: Whatscap
嚴禁非法轉載
Copyright © HR小薯蓉. All rights reserved.
Search